ایمریٹس ائیرلائن نے پاکستانی مسافروں کی موجیں لگا دیں۔۔ کرایوں میں ناقابل یقین حد تک کمی کر دی

کراچی(مانیٹرنگ ڈیسک) نئے سال کی آمد پر ایمریٹس نے پاکستانی مسافروں کے لئے مشہور مقامات کے سفر کیلئے خصوصی کرایوں کا اعلان کیا ہے۔ ایمریٹس کے عالمی نیٹ ورک میں محدود مدت کے لئے کم قیمت میں 157 مقامات کا سفر کرسکتے ہیں۔ ایمریٹس کی جانب سے خصوصی کرائے کی سہولت رواں ماہ 8جنوری سے شروع ہورہی ہے اور 21جنوری 2019کو اختتام پذیر ہوگی۔ اس سہولت سے ایمریٹس کے مسافر 10جنوری سے 30 نومبر 2019تک مستفید ہوسکتے ہیں ۔ مقامی شرائط و ضوابط کے اطلاق کے ساتھ ایمریٹس کی خصوصی مہم میں کرایوں کی شروعات کوالالمپور کیلئے اکانومی میں 58 ہزار 200 روپے جبکہ بزنس کلاس میں

ایک لاکھ 86 ہزار 180 روپے، بینکاک کیلئے اکانومی میں 59 ہزار 341 روپے جبکہ بزنس کلاس میں ایک لاکھ 87 ہزار 321 روپے، میلان کیلئے اکانومی میں 82 ہزار 882 روپے جبکہ بزنس کلاس میں 3لاکھ 112 روپے، لندن کیلئے اکانومی ایک لاکھ 4 ہزار 620 روپے جبکہ بزنس کلاس میں 3 لاکھ 49 ہزار 192 روپے، نیویارک کیلئے اکانومی کلاس میں ایک لاکھ 26 ہزار 657 روپے جبکہ بزنس کلاس میں 3 لاکھ 39 ہزار 807 روپے، فرینکفرٹ کیلئے اکانومی کلاس میں ایک لاکھ 44 ہزار 582 روپے جبکہ بزنس کلاس میں 4 لاکھ 56 ہزار 482 روپے سے ہورہی ہے۔ فلائی بیٹر تصور کے ساتھ ایمریٹس ایوارڈ یافتہ اور آرام دہ سفر تمام کیبنز میں لطف اندوز ہوسکتے ہیں۔ تمام کیبنز کے مسافروں کی ایمریٹس کے ایوارڈ یافتہ انٹرٹینمنٹ سسٹم آئس کے 4 ہزار آڈیو اور ویڑیول چینلز تک رسائی ہوتی ہے جن میں حالیہ فلموں سے لیکر ٹی وی شوز، میوزک اور گیمز شامل ہیں۔ ایمریٹس کے سفر میں مسافر اعزازی مشروبات اور مشہور علاقائی کھانوں کے ساتھ ایئرلائن کے کثیر الثقافتی کیبن کریو بشمول پاکستانی کریو کی جانب سے میزبانی کی جاتی ہے۔
ایمریٹس نے اکانومی کلاس میں 35 کلوگرام، بزنس کلاس میں 40 کلوگرام اور فرسٹ کلاس میں 50 کلوگرام کے سفر کی فراخدانہ پیشکش بھی کرتا ہے۔ مزید یہ کہ ایمریٹس کے اکانومی کلاس کے مسافر دبئی کے راؤنڈ ٹرپ ٹکٹ سے سفر کی واپسی پر دبئی شاپنگ فیسٹول 2019 کے دوران اضافی سامان کی سہولت سے مستفید ہوسکتے ہیں۔ یہ فیسٹول پانچ ہفتے تک جاری رہتا ہے جس میں مختلف کاروباری اداروں کی جانب سے غیرمعمولی ڈسکاؤنٹس اور انعامات دیئے جاتے ہیں۔
کینیڈا، شمالی امریکہ، وسطیٰ امریکہ، جنوبی امریکہ اور افریقہ سے دبی کے ذریعے پاکستان آنے والے مسافر ایک اضافی بیگ اپنے ہمراہ رکھ سکتے ہیں۔ ایسے مسافر جو ایمریٹس کے نیٹ ورک میں دیگر مقامات پر سفر کررہے ہیں وہ بھی 10 کلوگرام وزنی اضافی سامان رکھ سکتے ہیں۔ یہ سہولت 17 دسمبر 2018 سے لیکر 2 فروری 2019 تک بکنگ پر قابل اطلاق ہے۔



اس وقت سب سے زیادہ مقبول خبریں